Help u ouditeure om u te help. Werk saam met hulle en maak seker u is voorbereid. Dit is die beste manier om die meeste waarde uit die oudit vir beide uself en u besigheid te kry.

U doelwit is ‘n oudit wat u verseker dat u stelsels gesond is, en dat u jaarlikse finansiële state u ekonomiese posisie regverdig weerspieël, terwyl u ook u ouditkoste beperk.

Ons bespreek vier idees oor hoe om ‘n oudit glad te laat verloop, gevolg deur nog vyf idees oor hoe om effektief met u ouditeure te kommunikeer gedurende die proses.

Laastens, maar beslis nie die minste nie, stel ons maniere voor hoe om te reageer op hul bevindinge en voorstelle.

Met noukeurige beplanning en goeie implementering kan u, u ouditeure help om nie net ‘n koste-effektiewe oudit te lewer nie, maar ook een wat u meer versekering gee dat u stelsels gesond is en dat u jaarlikse finansiële state u ekonomiese posisie regverdig weerspieël.

Eerstens, lê ‘n goeie basis

Deur sterk interne kontrole te implementeer en u finansiële rekords op datum te hou, sal u ‘n groot bydrae maak om ‘n gladde oudit te verseker.
Goeie interne kontrole beteken dat die ouditeure vertroue sal hê in u stelsels, en dit sal die hoeveelheid toetse wat hulle moet doen verminder.
Op datum finansiële rekords met maandelikse rekonsiliasies van kontrolerekeninge en verduidelikings vir wesenlike afwykings, sal die ouditproses verder verbeter.
Een van die kern faktore tydens die oudit, is om die risiko dat die finansiële state verkeerd opgestel is te bepaal. Dit is dus belangrik dat u op hoogte bly van u maatskappy se finansiële risiko’s en om dit te deel dit met u ouditeure om hul oudit tyd te verminder.

Tweedens, effektiewe kommunikasie

Belê ‘n vergadering met u ouditvennoot en adviseer hom of haar van wat in die besigheid gebeur. Indien daar enige slegte nuus is, kommunikeer dit – die kanse is dat die ouditeure die slegte nuus tydens die oudit sal optel en dit kan behels dat hulle ekstra werk moet doen om te bepaal hoe dit u finansies gaan beïnvloed.
Bespreek op hierdie vergadering watter personeel op u oudit sal wees. Deur ouditeure te gebruik wat al voorheen op u oudit gewerk het, sal u tyd spaar, aangesien hulle nie ekstra tyd nodig het om u besigheid te verstaan nie.
Die ouditeure beplan ‘n sekere aantal ure op u oudit. Vra hierdie inligting aan saam met die uurlikse ouditkoste sodat u, u kontantvloei kan beplan.
Gewoonlik stuur u vir die ouditeure ‘n finale proefbalans en daaruit besluit hulle watter toetse hulle sal moet doen. As u ‘n paar groepmaatskappye het, stuur ‘n gekonsolideerde proefbalans. Dit is makliker vir u ouditeure om te verstaan hoe die besigheid presteer as hulle van die hoogste na die laagste vlak af werk.
Wanneer u ouditeure inligting versoek, maak seker dit is akkuraat en presies waarvoor hulle gevra het. Sodra die oudit begin, wys ‘n senior finansiële persoon aan om met die ouditeure te skakel en gereeld met hulle te ontmoet. Enige navrae of misverstande kan dan vinnig opgelos word. Hierdie persoon kan dan die ure spandeer en die ouditkoste bestuur, sodat wanneer die oudit dan lyk of dit oor die begroting gaan, u betyds kan reageer voor ekstra koste aangegaan word.

U ouditeurs se aanbevelings

U ouditeure sal hul bevindinge en voorstelle, oor hoe om enige swakpunte wat hulle gevind het reg te stel, aan u voorlê. Die meeste van die tyd sal u hul bevindinge implementeer, maar indien daar ‘n paar is wat u voel nie gaan werk nie, bespreek dit met hulle en verkry hulle toestemming om nie die voorgestelde veranderinge te maak nie. Dit sal tyd spaar tydens die volgende oudit wanneer die ouditeure nagaan hoe u firma met hul voorstelle gevorder het.

Goeie beplanning en goeie kommunikasie sal help om u ouditkoste tot ‘n minimum te beperk, terwyl u gemoedsrus oor u rekeningkundige en interne kontrole verkry.